多多表情

2010年5月30日 星期日

2010年2月東北尋冰覓湯の旅 (Day 8~乳頭溫泉)

Day 8 : 19-Feb-10 (五)

酒店 : 仙台ホテルグリーンウエル (Hotel Green Well)
房價 : ¥7,500/ Twins Room 【Jalan扣除會員積分後只需 : ¥6,800/ Twins Room 】 

資料網
乳頭温泉郷

 乘車紀錄
 (1) アルパこまくさ (12:43)【羽後巴士】→ JR田沢湖 (13:17) 800

以下行程發生時間由07:30至13:17

7:30就是我地的朝食時間了,朝食與夕食的地方是不同的,原來我地都算早,入到去都無乜人:D哈! 今朝早餐反而只見到日本人呀:sunny:



 
一個日式的早餐,又係有煙肉蛋,咁又可以撈飯:thumbright:,其餘小食都OK
 
食完早餐就去妙乃湯Front前購買『湯めぐり帖』,售價¥1,500,呢個帖是可以於一年內任你浸乳頭溫泉鄉,包括以下7間溫泉,聽落幾抵喎:laughing9:,一年內任浸呀,想更著數不如考慮一年內黎2次,抵晒,其實莫講話黎幾多次吖,單係我呢朝都浸左4間,如單計日歸入湯費都要¥2,000,而家買左呢個『湯めぐり帖』,絕對有SO啦,所以諗住玩日歸就計下數,不妨買呢個帖,又可以做埋紀念品tim,買得過架:thumbup:
(1) 妙乃湯 : 10:00 ~ 15:00 (日歸定休日 : 星期二) 【入浴費 :¥700】
(2) 鶴の湯 : 10:00 ~ 15:00 (日歸定休日 : 星期一) 【入浴費 :¥500】
(3) 大釜 : 09:00 ~ 16:30 (日歸定休日 : 無休) 【入浴費 :¥500】
(4) 蟹場 : 09:00 ~ 16:30 (日歸定休日 : 無休) 【入浴費 :¥500】
(5) 孫六 : 08:00 ~ 17:00 冬季 : 09:00 ~ 16:00 (日歸定休日 : 無休) 【入浴費 :¥500】
(6) 黑湯 : 09:00 ~ 16:00 (日歸定休日 : 無休 / 11月中旬~4月中旬休業) 【入浴費 :¥500】
(7) 休暇村 : 11:00 ~ 17:00 (日歸定休日 : 無休) 【入浴費 :¥500】

買完『湯めぐり帖』後,順便就叫妙乃湯職員幫我地預約埋區間車(湯めぐり號),如購買『湯めぐり帖』可免費乘搭來往乳頭溫泉鄉之間的溫泉,我地預先已定想搭12:46的區間車(湯めぐり號)去鶴の湯本陣,職員即時便幫我地予約好了,如要搭呢架車就最好1小時前予約

 
有關區間車(湯めぐり號)的最新時間表可參考乳頭温泉組合網址內資料,時間表會因應不同季節而變的,下圖便是區間車(湯めぐり號)
 搞掂晒所有野之後,正式開始今天秘湯の行
 
如想清楚了解乳頭溫泉鄉秘湯的分佈位置,可參考以下圖,而我地秘探溫泉就以妙乃湯為主,昨日先入住妙乃湯,是晚盡享妙乃湯溫泉,而今朝早上keep背囊於妙乃湯,然後就利用早上時間先秘探孫六,然後追攻蟹場 ,再殺去大釜
,基本上大釜的位置極近妙乃湯的,浸完都應該差不多是lunch time,一於順便係妙乃湯食埋lunch及取回背囊,食完就搭12:46區間車(湯めぐり號)去鶴の湯本陣繼續探索較出名的秘湯,呢個就係我地玫入秘湯的路線,唯一係無去黑湯休暇村 ,不過最後當然同計劃中有少許分別:laughing:,自由行係彈性嘛,總之乎合自己心意就ok了:number1:
 第一站是孫六 ,因為它距離妙乃湯最遠,就由遠至近黎玩啦

係妙乃湯有雪鞋免費借用的,我地當然著佢出動啦:mrgreen:,因外面已見到厚厚的雪,著住呢對鞋行都行得容易D,不過搞笑是對鞋係寫住孫六架:laughing6:,相信佢地咁多間溫泉的雪鞋都是大家互用都唔定:imslow:
事前已知行去孫六不是近,網友多數話預行30分鐘,所以我乖乖地一直按指示而行,沿途雪景很美呀,經過整晚落雪後,我地一步步的腳印明顯地印在厚厚的雪地上:hello1:,果然咁早係一個人都無,當我地行到1/3路程時,卻見到一部剷雪車,原來佢而家先開始開工:angel4:,把路上的雪剷走,等人可以行平路一樣,由於我地早開工過剷雪車:evil4:,所以平路就無我份了,雖然行厚厚的雪路係無平路咁好行,但難我地唔到ge,其實都行得幾得意吖
 
行到呢道又見到孫六個指示牌,證明無行錯,咁繼續努力行啦,依! 進度都唔錯播,又行得幾快喎
 好law,越來越近:blob3:
終於到達了,睇翻時間,原來我地用左約20分鐘就到步,比傳聞30分鐘快喎


果然夠秘湯feel,靜到飛起,正當我地四圍搵職員時,突然有位住客走出來,他十分好人,應該估到我地想浸日歸,佢就叫左職員出來,我地便將個『湯めぐり帖』比職員睇,他係帖內屬於孫六的版面蓋上印,然後我地就可入內開始浸秘湯了,晨早真係人影都無隻,咁又幾正喎,第一個見到是『唐子の湯』,係一個小小的內湯而已,一望之下,呢個唔浸了,直接只浸混浴露天溫泉把啦
 
孫六溫泉的介紹
內湯 : 男女各1‧混浴1
露天風呂 : 混浴2‧女性用1

我地打算只浸混浴的露天風呂,起初整個混浴只得我地,好free呢,我又可以安心浸,不過奈何個人又好奇心重,M君提示隔離有個露天風呂喎,基本係行數步就見到,我咪走去果邊浸下law,落水後不久,就有位日本男生開始行近M君那邊的混浴,M君就用中等聲量叫我,薯.....薯.....聲提示我有男人行緊黎浸呀:director:,話口未完那位男生已到,他望到M君向我邊說話,他就望一望,那時居然係我嚇親佢:cynic:,佢立即講sumimasen,低頭急急腳轉身走左:sprint:,仲係走得好快果種:shocked:,最後連影都無,既然我咁得人驚嚇走左人:nana:,咁我地都打算走人唔浸了,好讓人家可以回來浸得自在吧,不過M君話佢經過男湯那邊都唔見佢喎,難道我嚇到佢離開左孫六咁厲害:omfg::tongue2:


第二站是蟹場 ,9:40就行到蟹場 溫泉了

蟹湯溫泉的介紹
內湯 : 男女各2
露天風呂 : 混浴1‧【女性專用time 19:30~20:30 (即住客時間啦, 日歸無關了)】

 

 蟹場 旅館的外表都好過孫六些少,但當然不及奶乃湯啦
同樣要給『湯めぐり帖』比職員蓋印,跟住我地就依混浴的指示方向行,要去混浴露天風呂的話,入館後需要再行一條雪路先到架,不過踏出呢條雪路時都有雪鞋免費借用的,著不著隨你喜歡了:toothy7:

內附有Locker,想用的話記得帶¥100呀
當行到混浴露天溫泉時,見到有數名日本嬸嬸浸緊,不過當我和M君落水時,嬸嬸們就上水走人:eyepopping:,唔係掛! 唔通又係我嚇走人:jawdrop:,不過就算係嚇走人的話,呢次唔單止係我呀,應該M君都有份架:laughing:,嬸嬸走埋後就得翻我地浸lu,又變相貨切風呂:thumbleft:,浸了一陣後,有一男一女日本人來了,呢次終於到我地被人嚇走,當他們換衫時,我地就上水走人了,其實我地都浸得參唔多所以都走人,等人地都變相貨切風呂吖;-),呢次係蟹場浸溫泉好似大家輪流接更一樣,而我地換好衫後就向大釜方向行


第三站是大釜 ,由蟹場浸溫行過去十分近
大釜溫泉的介紹
內湯 : 男女各2
露天風呂 : 男女各2



 
二話不說就例牌比『湯めぐり帖』給職員蓋印,大釜是沒有混浴的,所以我地就分開各自浸露天風呂,今次一定唔會嚇走人啦,我地約好浸一陣就走,由於時間上比預期用少左,可能每間溫泉我地只浸混浴的露天風呂,而且浸的時間又不是太長,變左有時間鬆動:cheers:,既然提早完成任務的話,我地把心一橫,不如唔係妙乃湯食lunch,提早搭區間車(湯めぐり號)去鶴の湯啦




以上2張圖片源自大釜網址

由大釜行去妙乃湯極近,所以去到妙乃湯取回背就順便同職員講我地想改區間車(湯めぐり號)的時間去鶴の湯本陣,睇下10:52搭唔搭到,因區間車(湯めぐり號)是需要一小時前予約,好彩職員表示ok=D>,咁就好了,我地可以慳翻唔少時間

:thumbright:當有區間車(湯めぐり號)經過時,我就截住問司機可否上車,司機查看10:52乘客名單中並沒有我地名字,但12:46就有我地個名,我地便說想更改搭這班車[-o<,經司機核對下10:52呢班車予約了的乘客數量後,好彩仲有位剩,所以我地可上車:blob7:
 
 
11:10 到達第三站了,正是乳頭溫泉鄉比較出名鶴の湯
 
鶴の湯溫泉的介紹
內湯 : 男女各3
露天風呂 : 混浴1‧女1
明顯規模係大過孫六、蟹場和大釜,人流亦明顯多過之前果3:w00t:,當比『湯めぐり帖』時,順便向職員查詢他們的免費shuttle bus time table,而鶴の湯的shuttle bus會車到去『アルパこまくさ』站的

 
問完野轉身一望,比我發現到一樣從未如此『大』的東西:omfg:,係咩? 係我鍾意的印呀:love4:,嘩! 大到呢! :eyepopping:未見過有咁大個印架,佢走唔甩了:laughing6:,個印確實很大,要用A4 size先夠位蓋的,如有需要,可向職員購買¥100的紙來蓋


鶴の湯內有些少景可以影下相都唔錯架:laughing9:

 

雖然鶴の湯比較出名,但我地都係只打算浸混浴的露天風呂,個人而言,除非一整天只玩鶴湯,咁就會浸埋其他湯,但單係呢個早上都係浸浸浸,夠皮了:toothy8:,其實今日浸幾個乳頭溫泉的秘湯都是想體驗下,所以既然佢個混浴的露天風呂比較出名,咁就只浸混浴了

睇指示牌後便慢慢向混浴邁進,好平常咁一直行,點知行到一條路時,左邊已見一個露天溫泉:tongue3:,原來就係混浴果個露天溫泉呀,大約見到只有十幾個人浸緊,多數是男人:scratch:,吓! 真係好開放式喎,就算你唔浸,行過都算參觀左:laughing6:,正常浸溫泉係入左更衣室除衫後,然後就行去浸溫泉嘛,但佢呢個混浴就剛剛相反:mrgreen:,我地經過左個混浴露天溫泉先,然後先入更衣室:confuse:,跟住更衣室有對門一開就係落水浸溫泉了,期間都見有人行過混浴時望一望,然後調頭走:laughing:,可能佢地當參觀下都唔定,形式very open
 

 
 
剛巧我浸時女性並不多,而且有的都是嬸嬸8-[,她們坐埋一旁的,我和M君就坐近更衣室那邊,其實呢個混浴都算唔細,不過日歸的人可能亦唔少,我地浸了一陣都走人了
 
參不多時間就預備搭鶴の湯的shuttle bus去『アルパこまくさ』站
到達『アルパこまくさ』站後尚有時間,而且最緊要果度又有野食賣:cheers:,我地一定好好利用呢D時間ge:evil4:,跟住我地就搭12:43的羽後巴士去JR田沢湖

買野飲同野食上車食就一定唔少得啦,而且我地仲未食lunch架,肚子開始打鼓呢:sad5:,呢包『比內地雞薯片』比我地三兩下就搞掂左啦,不過又幾好味呢:tongue1:
 
經過乳頭溫泉鄉的秘湯巡禮後,泉水係有料到架:thumbup:,因為M君發現佢帶條手鏈變左色呀,我就話咁咪抵law,當變左第2條款式,其中某D泉水是奶白色,泉水唔錯的,不過似乎比較後生的日本女性都好似不太熱愛浸混浴,因為見親都是嬸嬸先會浸,其實我也是對混浴麻麻地,今個東北之旅係第一次浸混浴,人一世物一世,只是想乜都試下嘛,唔試過又點知呢:mrgreen:,但試過就算了,我又不會太鍾情於混浴,想同家人一起浸,倒不如浸貸切風呂仲正:thumbup:,如日後有得揀露天風呂的話,我首選都係鍾意浸女湯,因為唔洗包毛巾,上落水又爽快自然D,最重要又唔洗嚇走人,係女湯可以自自在在嘛

今次終於一嚐乳頭溫泉中的秘湯,而個人比較喜歡妙乃湯:love5:,雖然尚有休暇村未去,但有機會的話,我地一定會浸埋呢2間,集齊乳頭溫泉鄉的印呀
上左羽後巴士後好想快D到JR田沢湖呀,因為唔知係咪浸得溫泉多消耗唔少體力,所以好想快D到田沢湖搵地方開餐,跟住就去仙台,咁就可以放低呢8日的行裝,然後繼續殺埋餘下4日的行程

是日搜羅的蓋印